Er verið að leita að einhverju að gera í þessu laaaanga páskafríi? Listsköpun um fjarfundabúnað! Opið fyrir nemendur á mið- og unglingastigi grunnskóla, ásamt nemendum á framhaldsskólastigi. Langar þig að skrifa handrit að útvarpsleikriti og láta taka það upp af fagmönnum og hlusta svo á afraksturinn í útvarpinu? Í öllu þessu leiðindarástandi datt þeim hjá Stúdíó Handbendi í hug að bjóða upp á nákvæmlega þetta og fengu Menningarfélag Húnaþings vestra og FM Trölla til liðs við sig. Námskeið í útvarpsleikritun kennir leikstjórinn Sigurður Líndal, í gegnum fjarfundabúnað 29. mars til 2. apríl. Upptökur fara fram í Stúdíó Bakka 3.-5. apríl. [...]

Brúðulistahátíðin Hvammstangi International Puppet Festival verður haldin dagana 9.-11. október 2020 á Hvammstanga. Á vefsíðu hátíðarinnar, thehipfest.com, kemur fram að brúðuleiksýningar og kvikmyndir verða í hávegum hafðar. Þetta er í fyrsta sinn sem hátíðin er haldin en hún verður á tveggja ára fresti í annarri vikunni í október. "Við eflum listamenn og listræn gildi í dreifbýli og bjóðum upp á brúðusýningar á heimsmælikvarða með áhorfendum sem taka vel á móti þeim. Við leggjum mikið upp úr listrænum gæðum og að efla samfélög og listamenn." Dagskrá hátíðarinnar er stórglæsileg og má finna á á vefnum thehipfest.is og á Facebook-síðu hátíðarinnar. Miðasala [...]

Bíóbíll RIFF (Reykjavik International Film Festival) verður á ferðinni um landið dagana 17.-23. september 2020 og er fyrsti áfangastaður Húnaþing vestra. Bíóbíllinn mætir á Hvammstanga n.k. fimmtudag, 17. september, og ekur um bæinn til að kynna sig. Hægt verður að kíkja innfyrir og glugga í stuttmyndir sem sýndar verða í bílnum í samstarfi við EFA. Um kvöldið verður bíllinn svo búinn að koma sér fyrir við Hótel Laugarbakka og mun þar standa fyrir bílabíói. Stórmyndinni Dancer in the Dark, eftir Lars von Trier með Björk í aðahlutverki, verður varpað á norðurvegg hótelsins (gamla íþróttahússins). Verð er 1.900 kr. á hverja [...]

Fréttatilkynning: Sumarleikhús æskunnar er verkefni í eigu Handbendi brúðuleikhúss, en í ár er það sjálfur listrænn stjórnandi brúðuleikhússins, Greta Clough, sem leikstýrir styttri leikgerð á verki William Shakespeare, Draumi á Jónsmessunótt. Arnar Hrólfsson verður aðstoðarleikstjóri. Uppsetning Sumarleikhúss æskunnar á þessu ári er Jónsmessunætur Draumur og sýnir vel hæfileika 15 ungmenna á aldrinum 6 - 17 ára úr Húnavatnssýslum. “Það er mikil eftirspurn eftir fleiri tækifærum til listsköpunar á svæðinu, bæði frá ungmennum og foreldrum. Sumarleikhús æskunnar hefur fengið viðbrögð víða að, til dæmis frá Hólmavík, en þá eru fjarlægðir náttúrulega farnar að hafa áhrif…..nokkrir krakkar hafa samt komið frá Blönduósi [...]

Hátíðin Eldur í Húnaþingi 2020 þjófstartaði í gær með pubquiz-i í Félagsheimilinu Hvammstanga. Hátíðin verður formlega sett í kvöld og stendur yfir fram á sunnudag n.k. Aragrúa af skemmtilegum dagskrárliðum er að finna á hátíðinni. Þar má nefna dansnámskeið, leiklistarnámskeið, þríþraut, Fifa-mót, barnastund, borðtennis- og brennómót, zumbapartý, Kleppara-mót, fimleikasýningu, ratleik, púttmót, brunaslöngubolta, kínaskák, körfuboltanámskeið, bjórjóga, kraftakeppni, sápurennibrautarfjör, hoppukastalar, fyrirtækjakeppni, strandhreinsun ofl. Tónlistin verður líka veigamikill partur af hátíðinni, eins og svo oft áður, og auk heimafólks sem treður upp á Melló Músika kemur eftirfarandi tónlistarfólk fram; Ásgeir, Dóra Júlía, Slagarasveitin, Ingó veðurguð, Stuðmenn, Helgi Hrafn Ingvarsson, Helen Whitaker og Papar. [...]

Við erum hér! Afsakið fjarveruna. Hér hefur eitt og annað verið í gangi bakvið tjöldin, hvort sem það er á varðandi Menningarfélagið, stjórnarmeðlimi sjálfa eða annað. Vinnan í kringum Menningarfélagið er jú unnin í sjálfboðavinnu og Covid setti smá strik í reikninginn. Hvað um það. Hæ! Fréttir af starfseminni Það hefur verið eilítil lognmolla í kringum starfsemina síðustu mánuði en húsnæðið hefur þó verið nýtt af og til. Nýting húsnæðisins hefur einna helst verið í tengslum við tónlist; til kóræfinga, hljómsveitaræfinga, eftirvinnu sem snýr að upptökum osfrv. Á árinu var félaginu veittur styrkur frá Húnaþingi vestra vegna ákveðinna rekstrarþátta sem [...]

Nú er það svo að hér í Húnaþingi vestra ríkir allsherjar úrsvinnslusóttkví og erum við nú á sjötta degi hennar. Þar fyrir utan er fólk m.a. "hefðbundinni" sóttkví og einangrun. Hvað er til bragðs að taka þegar samverustundir utan heimilis eru takmarkaðar og dagarnir renna mögulega saman í eitt? Við mælum að sjálfsögðu með að fylla dagana af menningu og listum. Setjið upp leikþátt, semjið lag, æfið ykkur á óbóinn, lesið bók, semjið ljóð, stofnið "fjarhljómsveit" líkt og nokkrir hér í sveitarfélaginu hafa gert (sjá hér og hér) og bara það sem ykkur dettur í hug. Okkur datt í hug [...]

Hljómahöll og Rokksafn Íslands eru meðal þeirra fjölmörgu sem hafa ákveðið að vera með ýmsa tónlistartengda viðburði í gegnum streymi á netinu þessa dagana. Á Facebook-síðu Hljómahallar verður tónleikadagskrá í beinni útsendingu frá 26. mars til 16. apríl. Ásgeir ríður á vaðið og verður með tónleika í kvöld, 26. mars, kl. 20:00. Þannig gefst fólki tækifæri til að hlýða á Ásgeir, sem gaf nýverið út plötuna Sátt. Hlekkur á viðburðinn er hér. Aðrir tónleikar eru þessir: Moses Hightower - 2. apríl kl. 20:00 GDRN - 7. apríl kl. 20:00 Hjálmar - 16. apríl 20:00 Heimild: mbl.is

Hljómsveitin Brek ætlar að halda litla stofutónleika í kvöld, sunnudagskvöldið 22. mars, og streyma þeim beint á YouTube. Tónleikarnir hefjast kl. 20:00 og eru á YouTube rás hljómsveitarinnar. Hljómsveitin brá á þetta ráð í ljós samkomubanns sem nú ríkir á landinu. Tónleikarnir eru í boði án endurgjalds en hljómsveitin bendir á að hægt er að leggja fram frjáls framlög í gegnum PayPal. Í hljómsveitinni Brek eru m.a. þau Harpa Þorvaldsdóttir og Jóhann Ingi Benediktsson sem eiga einmitt sterka tengingu í Húnaþing vestra.

Kammerkór Norðurlands verður með 20 ára afmælistónleika í Félagsheimilinu Hvammstanga í dag, laugardaginn 22. febrúar, kl. 16:00. Þetta eru fyrstu tónleikar kórsins í þriggja tónleika tónleikaröð hans í tilefni afmælisins. Kórinn mun flytja ný og eldri lög við ljóð Davíðs Stefánssonar úr Svörtum fjöðrum. Stjórnandi er Guðmundur Óli Gunnarsson. Hér má sjá og hlýða á tóndæmi. Aðgangur er 3.000 kr. og er posi á staðnum. Tónleikarnir eru stryktir af Tónlistarsjóði og Uppbyggingarsjóði Norðurlands eystra. Sjá nánar hér.