Sæhjarta eftir Greta Clough

Sýningin Sæhjarta, eftir Greta Clough, verður (for)frumsýnd í Félagsheimilinu Hvammstanga í kvöld kl. 20:00. Húsið opnar kl. 19:30 og hleypt er inn í salinn kl. 19:50. Sæhjarta er leikin af einni konu og sýningin er torræð, dul og listræn. Á Facebook-síðu viðburðarins segir: "Dularfull kona á drungalegri strönd. Hún er rekald á ströndinni og úrhark samfélagsins. Hennar margslungna furðusaga er sögð með heillandi blöndu brúðuleiks og hefðbundins leikhúss. Sæhjarta endurskapar og endurvekur gömlu sagnirnar um urturnar sem komu á land og fóru úr selshamnum til að búa og elska meðal manna." Sýningin fer fram á ensku í kvöld og er [...]

ritar|2019-11-01T14:02:56+00:00nóvember 1st, 2019|0 skilaboð

Polki og pönnsur

Það var einstaklega góðmennt á gömlu-dansa-ballinu sem menningarfélagið stóð fyrir s.l. föstudagskvöld í félagsheimilinu Ásbyrgi á Laugarbakka. Þetta var í annað sinn sem félagið sér um slíkan dansleik og trúum við að það sé flott tækifæri fyrir framtakssama að standa fyrir viðlíka viðburði með reglubundnum hætti. Hljóðfæraleikararnir voru fanta góðir á sviðinu, en þeir sem fram komu voru Marinó Björnsson, Skúli Einarsson, Sigurður Ingvi Björnsson, Sveinn Kjartansson, Þorvaldur Pálsson, Björn Pétursson, Benedikt Jóhannsson og Ragnar Leví. Gestirnir stóðu sig sérlega vel á dansgólfinu og nutu þess að skrafa saman þegar hlé voru gerð á tónlistinni. Stjórn menningarfélagsins stóð vaktina í [...]

ritar|2019-10-21T13:22:03+00:00október 21st, 2019|1 skilaboð

Hrafnhildur Ýr og Jónína Ara á Sjávarborg

Hinar heillandi og einstöku söngkonur Hrafnhildur Ýr og Jónína Ara verða með tónleika n.k. miðvikudagskvöld, 23. október, á veitingastaðnum Sjávarborg á Hvammstanga. Á tónleikunum munu þær flytja vel valin lög úr eigin safni í bland við falleg íslensk dægurlög. Tónleikarnir eru hluti af tónleikaferð Jónínu Ara nú í október og nóvember. Jónína er söngkona og lagasmiður úr Öræfasveit, sem býr nú í Noregi. Hún er okkur ekki ókunnug þar sem hún hefur áður haldið tónleika hér við góðar undirtektir. Hrafnhildi Ýr þekkjum við mæta vel, enda sveitungi okkar. Hrafnhildur vinnur nú að breiðskífu með eigin efni. Tónleikarnir hefjast kl. 21:00. [...]

ritar|2019-10-21T10:58:56+00:00október 21st, 2019|0 skilaboð

Gömlu-dansa-ball nú á föstudaginn

Nú eru einungis þrír dagar í að dansskór snúist með óhóflegum hætti á kaffiböðuðu dansgólfinu í félagsheimilinu Ásbyrgi. Þar munu ýmsir stíga á stokk til að framreiða taktfasta tónlistina. Fremst í flokki fara þar Marinó Björnsson, Skúli Einarsson og Sigurður Ingvi Björnsson. Þeir munu sennilega verma sviðið mest allt kveldið. Hins vegar munu Sveinn Kjartansson og Þorvaldur Pálsson einnig vera þar, sem og Bjössi og Benni og svo Hljómsveit Ragnars Leví. Hafið þið heyrt um annað eins samansafn af snillingum? Staður: Ásbyrgi á Laugarbakka Stund: Föstudagskvöldið 18. október 2019 kl. 20:00 Seðlar: 1.500 kr. (við verðum líka með posa)   [...]

ritar|2019-10-15T10:34:15+00:00október 15th, 2019|0 skilaboð

Gömlu-dansa-dansleikur

Menningarfélag Húnaþings vestra ætlar að endurtaka leikinn frá því í fyrra og henda í einn "gömlu-dansa-dansleik" í félagsheimilinu Ásbyrgi á Laugarbakka. Staður: Ásbyrgi á Laugarbakka Stund: Föstudagskvöldið 18. október 2019 kl. 20:00 Seðlar: 1.500 kr. (við verðum líka með posa) Stuðband: kynnt síðar  

ritar|2019-10-07T20:29:56+00:00október 7th, 2019|0 skilaboð

Menningin í Eyrarlandi

Eitt af hlutverkum Menningarfélags Húnaþings vestra er að starfrækja húsnæði að Eyrarlandi 1 (2. hæð) á Hvammstanga og er það ætlað fyrir lista- og menningarstarfsemi. Húsnæðið er hægt að leigja per klukkustund og hefur í gegnum árin verið leigt út í ýmsum tilgangi. Sem dæmi má nefna að í húsnæðinu hafa verið hljómsveitaræfingar, leiklistaræfingar, ljóðalestur, tónlistarflutningur, fyrirlestrar, námskeið, viðburðir á vegum Elds í Húnaþingi, bækistöð fyrir kvikmyndateymi, vinnustofa Handbendis. Það eru ýmis tækifæri fólgin í nýtingu húsnæðisins, s.s. í frekari liststarfsemi, menningartengda klúbba, fundarhöld osfrv. Hvað sérð þú fyrir þér? Vissuð þið að það að hér á vefnum okkar er [...]

ritar|2019-07-12T11:31:09+00:00júlí 12th, 2019|0 skilaboð

Ástarlogarnir sigruðu Söngvarakeppnina

Söngvarakeppnin já! Það má segja að það hafi láðst að setja inn samantekt hér til upplýsinga. Skemmst er frá því að segja að við áttum frábæra kvöldstund (og dagstund og reyndar næturstund líka) á Söngvarakeppni Húnaþings vestra og balli með Albatross, og vonum að þið hafið skemmt ykkur vel. Nú, helstu úrslit voru þessi: 1. sæti - Hljómsveitin Ástarlogar (Ástrós Kristjánsdóttir, Elvar Logi Friðriksson og Heiðrún Nína Axelsdóttir) með lagið Say Something 2. sæti - Sunneva Eldey Þorvaldsdóttir með lagið Hard Place 3. sæti - Stella Guðrún Ellertsdóttir og Tómas Örn Daníelsson með lagið Don't kill my vibe Bestu búningarnir [...]

ritar|2019-07-08T15:19:31+00:00júlí 8th, 2019|0 skilaboð

Söngvarakeppnin 2019

Það styttist óðum í Söngvarakeppnina 2019. Ekki þessa evrópsku, heldur okkar hér í Húnaþingi vestra. Keppni sem hefur verið haldin ár eftir ár (með einstaka undantekningum) af hinum ýmsum aðilum. Menningarfélagið heldur skemmtunina í ár og er það í annað sinn sem við höfum haft það skemmtilega hlutverk. Söngvarakeppnin 2018 tókst frábærlega og við erum ansi spennt fyrir 8. júní n.k. Já, keppnin verður haldin laugardagskvöldið 8. júní næstkomandi í Félagsheimilinu Hvammstanga. Keppnin hefst kl. 20:00 og húsið opnar kl. 19:30. Sú nýbreytni er þetta árið að aldurstakmarkið á keppnina er 16 ár (í fylgd með forráðamanni). Það vildum við [...]

ritar|2019-05-29T17:42:30+00:00maí 29th, 2019|0 skilaboð

Söngvarakeppni 2019, skráningar eru hafnar!

Það er komið að Söngvarakeppni 2019 og skráningar eru hafnar! Vilt þú ekki vera með í þessari skemmtilegu keppni og troða upp á sviðinu í Félagsheimilinu Hvammstanga í brjálaðri stemmningu laugardagskvöldið 8. júní n.k.? Það var svo gaman í fyrra að við ætlum að halda áfram með stuðið í ár. Komdu og vertu með. Taktu einsöng á þetta, taktu vin/vinkonu með á sviðið, vinnufélagana eða bara foreldrana. Skráning er hafin á stjorn@menhunvest.is og skráningar skulu berast fyrir 12. maí n.k. Þemað í ár er opið. Við viljum vekja sérstaka athygli á því að söngvarakeppnin sjálf (þátttaka og áhorf) er opin [...]

ritar|2019-05-08T20:49:47+00:00maí 8th, 2019|0 skilaboð

Söngleikurinn Hárið valinn áhugaverðasta sýningin

Sýning Leikflokks Húnaþings vestra, Hárið, fékk nýverið viðurkenninguna Athyglisverðasta sýning ársins, viðurkenning sem veitt er af Þjóðleikhúsinu á hverju ári. Þetta er í tuttugasta og sjötta skipti sem viðurkenningin er veitt en í dómnefnd sitja Atli Rafn Sigurðarson, Sigurður Sigurjónsson, Snæfríður Ingvarsdóttir og Þórey Birgisdóttir. Þetta var tilkynnt á aðalfundi Bandalags íslenskra leikfélaga. Athygli er vakin á því að Snædrottningin, sem sett var upp um jólin síðast liðin fékk einnig mjög góða dóma, en umsögn Bandalagsins er svo hljóðandi: “Það er samdóma álit dómnefndar að sýning Leikflokks Húnaþings vestra á Hárinu eftir Gerome Ragni og James Rado í leikstjórn Sigurðar [...]

ritar|2019-05-08T20:42:34+00:00maí 5th, 2019|0 skilaboð