Fimmtudaginn 13. febrúar s.l. blés SSNV til veislu í Félagsheimilinu Hvammstanga. Tilefnið var veiting styrkja úr Uppbyggingarsjóði Norðurlands vestra. Alls voru 75 styrkir veittir til 60 aðila og námu styrkirnir alls 65.000.000 kr. Menningarfélag Húnaþings vestra hlaut að þessu sinni styrk fyrir Söngvarakeppni Húnaþings vestra 2020 og rekstrarstyrk fyrir árið. Þess má geta að þetta er í annað sinn sem félagið fær rekstrarstyrk, sem er einstaklega ánægjulegt enda hjálpar það til við geta bætt aðbúnað og annað sem styrkir rekstrarlegan grundvöll félagsins. Menningarfélagið var ekki eini styrkhafinn hér í Húnaþingi vestra enda voru alls 17 aðilar sem fengu úthlutað styrkjum [...]

Í kvöld, föstudagskvöldið 14. febrúar, kl. 20:00 sýnir Handbendi brúðuleikhús verkið Sæhjarta, sem er einleikið brúðuverk fyrir fullorðna, í Tjarnarbíói í Reykjavík. Um er að ræða frumsýningu en verkið var (for)-frumsýnt á Hvammstanga í nóvember s.l. Sagan er sögð með heillandi blöndu brúðuleiks og hefðbundins leikhúss. "Sæhjarta endurskapar og endurvekur gömlu sagnirnar um urturnar sem komu á land og fóru úr selshamnum til að búa og elska meðal manna." Greta Clough skrifaði handrit og sér um leik, leikstjórn er í höndum Sigurðar Líndal Þórissonar, tónlist og hljóðmynd í höndum Júlíusar Aðalsteins Róbertssonar og Egill Ingibergsson sér um leikmynd og lýsingu. [...]

Leikfélag Húnaþings vestra frumsýndi Skógarlíf s.l. laugardagskvöld í Félagsheimilinu Hvammstanga fyrir fullu húsi. Aukasýning verður á morgun, föstudaginn 20. desember, kl. 19:00. Í leikritinu er fylgst með þroskasögu og ævintýrum Móglí, sem elst upp meðal dýra í frumskóginum. Skógarlíf er glæný leikgerð eftir Gretu Clough og er leikgerðin byggð á The Jungle Book eftir Rudyard Kipling. “Áhorfendur fá að kynnast fjölbreyttum og skemmtilegum sögupersónum, tónlist og hönnun undir indverskum áhrifum í framsetningu fjölbreytts og hæfileikaríks hóps fólks úr Húnaþingi vestra.” Sýningin er afar metnaðarfull, sama í hvaða horn er litið. Leikarar á öllum aldri skila sínu frábærlega. Ljósin, sviðsmyndin, búningar, [...]

Það verður iðandi líf í Félagsheimilinu Hvammstanga dagana 13.-15 desember n.k. þegar Leikflokkur Húnaþings vestra sýnir Skógarlíf. Þar fylgjumst við með magnaðri þroskasögu og ævintýrum Móglí, sem elst upp meðal dýra í frumskóginum. Skógarlíf er glæný leikgerð eftir Gretu Clough og er leikgerðin byggð á The Jungle Book eftir Rudyard Kipling. "Áhorfendur fá að kynnast fjölbreyttum og skemmtilegum sögupersónum, tónlist og hönnun undir indverskum áhrifum í framsetningu fjölbreytts og hæfileikaríks hóps fólks úr Húnaþingi vestra." Sýnt verður: föstudaginn 13. desember kl. 20:00 laugardaginn 14. desember kl. 20:00 sunnudaginn 15. desember kl. 20:00 Almennt miðaverð er 3.500 kr., en hægt er [...]

Hinir árlegu jólatónleikar Jólahúna verða haldnir nú um komandi helgi, 6.-8 desember, sem hér segir: föstudaginn 6. desember kl. 17:00 og kl. 20:00 í Ásbyrgi á Laugarbakka laugardaginn 7. desember á jólahlaðborði á Blönduósi sunnudaginn 8. desember kl. 17:00 í Fellsborg á Skagaströnd Fram koma eftirtaldir söngvarar, ásamt hljómsveit: Ástrós Kristjánsdóttir Elvar Logi Friðriksson Eygló A. Valdimarsdóttir Kolbrún Sif Marinósdóttir Kristinn Rúnar Víglundsson Ólafur Einar Rúnarsson Rakel Ýr Ívarsdóttir Skúli Einarsson Miðaverð er 3.500 kr. en 1.000 kr. fyrir 10 ára og yngri.

Sýningin Sæhjarta, eftir Greta Clough, verður (for)frumsýnd í Félagsheimilinu Hvammstanga í kvöld kl. 20:00. Húsið opnar kl. 19:30 og hleypt er inn í salinn kl. 19:50. Sæhjarta er leikin af einni konu og sýningin er torræð, dul og listræn. Á Facebook-síðu viðburðarins segir: "Dularfull kona á drungalegri strönd. Hún er rekald á ströndinni og úrhark samfélagsins. Hennar margslungna furðusaga er sögð með heillandi blöndu brúðuleiks og hefðbundins leikhúss. Sæhjarta endurskapar og endurvekur gömlu sagnirnar um urturnar sem komu á land og fóru úr selshamnum til að búa og elska meðal manna." Sýningin fer fram á ensku í kvöld og er [...]

Það var einstaklega góðmennt á gömlu-dansa-ballinu sem menningarfélagið stóð fyrir s.l. föstudagskvöld í félagsheimilinu Ásbyrgi á Laugarbakka. Þetta var í annað sinn sem félagið sér um slíkan dansleik og trúum við að það sé flott tækifæri fyrir framtakssama að standa fyrir viðlíka viðburði með reglubundnum hætti. Hljóðfæraleikararnir voru fanta góðir á sviðinu, en þeir sem fram komu voru Marinó Björnsson, Skúli Einarsson, Sigurður Ingvi Björnsson, Sveinn Kjartansson, Þorvaldur Pálsson, Björn Pétursson, Benedikt Jóhannsson og Ragnar Leví. Gestirnir stóðu sig sérlega vel á dansgólfinu og nutu þess að skrafa saman þegar hlé voru gerð á tónlistinni. Stjórn menningarfélagsins stóð vaktina í [...]

Hinar heillandi og einstöku söngkonur Hrafnhildur Ýr og Jónína Ara verða með tónleika n.k. miðvikudagskvöld, 23. október, á veitingastaðnum Sjávarborg á Hvammstanga. Á tónleikunum munu þær flytja vel valin lög úr eigin safni í bland við falleg íslensk dægurlög. Tónleikarnir eru hluti af tónleikaferð Jónínu Ara nú í október og nóvember. Jónína er söngkona og lagasmiður úr Öræfasveit, sem býr nú í Noregi. Hún er okkur ekki ókunnug þar sem hún hefur áður haldið tónleika hér við góðar undirtektir. Hrafnhildi Ýr þekkjum við mæta vel, enda sveitungi okkar. Hrafnhildur vinnur nú að breiðskífu með eigin efni. Tónleikarnir hefjast kl. 21:00. [...]

Nú eru einungis þrír dagar í að dansskór snúist með óhóflegum hætti á kaffiböðuðu dansgólfinu í félagsheimilinu Ásbyrgi. Þar munu ýmsir stíga á stokk til að framreiða taktfasta tónlistina. Fremst í flokki fara þar Marinó Björnsson, Skúli Einarsson og Sigurður Ingvi Björnsson. Þeir munu sennilega verma sviðið mest allt kveldið. Hins vegar munu Sveinn Kjartansson og Þorvaldur Pálsson einnig vera þar, sem og Bjössi og Benni og svo Hljómsveit Ragnars Leví. Hafið þið heyrt um annað eins samansafn af snillingum? Staður: Ásbyrgi á Laugarbakka Stund: Föstudagskvöldið 18. október 2019 kl. 20:00 Seðlar: 1.500 kr. (við verðum líka með posa)   [...]

Menningarfélag Húnaþings vestra ætlar að endurtaka leikinn frá því í fyrra og henda í einn "gömlu-dansa-dansleik" í félagsheimilinu Ásbyrgi á Laugarbakka. Staður: Ásbyrgi á Laugarbakka Stund: Föstudagskvöldið 18. október 2019 kl. 20:00 Seðlar: 1.500 kr. (við verðum líka með posa) Stuðband: kynnt síðar